Zientziari buruzko bideo laburren lehiaketa 2019ko urriaren 30etik 2020ko apirilaren 22ra: On Zientzia

Elhuyarrek eta Donostia International Physics Centerrek (DIPC) ON ZIENTZIA bideo-lehiaketaren 10. edizioa antolatu dute, zientzia eta teknologia dibulgatzeko. Teknopolis zientzia eta teknologiaren dibulgaziorako telebista-programaren barruan eratu da lehiaketa.

Lehiaketaren helburua zientzia eta teknologia sustatzen dituzten bideo labur eta originalen ekoizpena eta difusioa da, publiko mota guztientzako baliagarri izan daitezen.
Gaia guztiz askea da eta adin eta nazionalitate guztietako herritarrek har dezakete parte lehiaketan.
DBH eta Batxilergoko ikasleen parte hartzea bultzatzeko, 1000€-rekin saritutako Gazte saria emango da.
Interesaturik egonez gero, oinarriak irakurri eta martxan jarri. Apririlaren 22ra arte duzue zabalik izena emateko epea.
Eta inspirazio apur bat behar baduzu, ikus itzazu aurreko edizioetako bideoak.

Bizkaia Zientzia Plaza: NAUKAS BILBAO 2019 - Irailak 19-22

Bizkaia zientzia plaza bat izan dadin, EHU-ko Kultura Zientifikoko Katedrak Bizkaia Zientzia Plaza deituriko 8 egunetako ekimena antolatu du irailaren 18an hasi eta 25ean bukatuko dena.

Ekimenaren barruan Ciencia Show, Naukas Pro, Naukas eta Naukas Kids, eta Bidebarrieta Zientifikoa ekintzak antolatu du.

Naukas 2019-ko kartela

Eta berriz dugu hemen beraz NAUKAS, zientzia-dibulgazio ikuskizun handia Bilbon, Euskalduna Jauregian. Aurtengoa 9. edizioa izango da eta 100 zientzialari/dibulgatzaile baino gehiago bilduko ditu.

Aurtengo programa Naukasen orrian kontsulta dezakezu.
Eitb-k egitaraua euskeraz eskeintzen digu.

EITB.EUS-ek aukera emango digu zuzenean ikusteko ekitaldia eta hemendik zuzenean zabaldu ahal dituzue zuzeneko emanaldiak:

NAUKAS PRO: Osteguna 19

Hainbat ikergunek, laborategik, zientzialarik eta lantaldek hartuko dute parte bertan, eta 20 minutu izango dituzte beraien lana zertan datzan azaltzeko.

NAUKAS: Ostirala 20 eta Larunbata 21

10 minutuko hitzaldiak. Ikuskizunak, elkarrizketak eta sari banaketak ere izango dira, urtero bezala.

NAUKAS KIDS: Igandea 22

Igande goizean 10:00etatik 13:30ak arte gazteenei zuzendutako ekitaldia.
Bertan, ikuskizunak, zirkua, tailerrak, umorea eta ukitzen den zientzia izango dute umeek.

Sarrera librea eta doakoa da.Animatu zaitezte!!!

Naukas Bilbao 2018

Naukas Bilbao 2018, Euskalduna Jauregian (Irailaren 13-tik 16-ra)

Urtero bezala, ostiral eta larunbateko saioetan, 10 minutuko txarlak tartekatuko dira ikuskizunekin, elkarrizketekin, sorpresekin eta sari banaketekin. 

Gainera, ostegun arratsaldez Naukas PRO delako saioa egingo da. Bertan, Ikerketa Zentroek, laborategiek, zientzialari ospetsuek edo lantaldeek 20 minutuko saioetan azalduko diote publiko orokorrari haien lana zertan datza.

Bukatzeko, txikienek ere haien tartea izango dute igande goizez, Naukas KIDS.

Ekitaldi guztietarako sarrera libre eta doakoa da eta ez duzue izena inon ere eman behar, joan eta kitto!

Aurtengo 8. edizioaren programazioa ikusi eta seguru zerbait interesgarri aurkituko duzuela. 

Animatu eta Euskalduna Jauregira hurbildu zaitezte zientzian murgiltzera!