P0_KaixoMundua

 0. PROGRAMAZIOA:  Gure hasierako programa: Kaixo Mundua!        

P0_KaixoMundua    

Programa sinple honekin ondoko kontzeptuak landuko ditugu:

• Nola hasi programatzen Zero editor erabiliz? Zilch Script izeneko errekurtsoa sortu! 
• Resources-Add-ZilchScript: P0_KaixoMundua
• Non idatzi? Momentuz Initialize funtzioaren giltzen artean.

class P0_KaixoMundua: ZilchComponent
{

function Initialize (init : CogInitializer)
{

// Hemen idatzitako kodea, elementu hau kargatzen denean exekutatuko da behin

 // Zero.Connect(this.Space, Events.LogicUpdate, this.OnLogicUpdate);

}

function OnLogicUpdate(event : UpdateEvent)
{
}

}

• Komentarioak zer diren, zertarako eta nola erabiltzen diren.

// Hau lerro bateko komentario bat da 

/* Hau aldiz,

    zenbait lerrotako

    komentarioa da */

• Programatze ohitura onak editatzean. GARRANTZITSUA!

Saia zaitezte sangrien bidez kode argia idazten. 

• Ez ipini komando bat baino gehiago lerro berean. 
• Azalpenak beharrezkoak badira kodea uler dadin, komentarioen bidez ipin itzazue. ( Kontutan izan, aurrerantzean, kode hauek kontsultatuko dituzuela erreferentzia modura, eta idatzitako azalpenak ondo etorriko zaizkizuela...)

Gure lehen komandoa (edo agindua)

• Zer kode idatzi behar dugu mezu bat Console izeneko objektuan ager dadin?
• WriteLine prozedura edo funtzioa erabiliko dugu. Mezua parentesien artean eta kakotxen artean (") artean idatzi. 
• Komando guztiak ";" batez bukatu behar dira.

Console.WriteLine ("Kaixo mundua!");

• Aurreko mezua Console deritzon leihoan ikusiko da, beraz ezinbestekoa izango da zabaltzea: Windows=>Console eta irudian, behekaldean agertzen den leihoa zabalduko da.
• Orain, gure programa exekutatzeko, Play-ari eman. Ikusten al duzu Console-an zure mezua? EZ???? LASAI!

• Noski, horretarako, kode hau, gure jokuaren objektu bati esleitu beharko diogu. Momentuz, gure script guztiak "LevelSettings" objektuari esleituko dizkiogu. 

LevelSettings objektuaren Properties leihoan, Add Component sakatu eta bilatu P0_KaixoMundua. (Sakatu scriptaren izeneko lehen letrak eta berehala agertuko da.)

Orain bai, Play sakatu eta LevelSettings objektua sortzen denean, bere osagaia den scripta exekutatuko da eta gure mezua erakutsiko digu Console-an.!

Hurrengo programara pasatu aurretik egizuz frogatxo pare bat. 

Sortu Sprite berri bat KarratuZuria izenekoa eta berari ere esleitu iezaiozu P0_KaixoMundua osagaia. Play-ari emaiozu. Zer gertatu da? Begiratu Console-n noski!

Aurreko komandoaren aurrean idatz ezazu beste komando hau: Console.WriteLine(this.Owner.Name);

Zer gertatu da?

Eta zer gertatzen da komando berdinak OnLogicUpdate funtzioan idatziz gero? (Giltzen artean, noski!)

Ezer?...

Eta Initialize funtzioaren barruan komentatuta dagoen lehen komandoa deskomentatzen baduzu?(Hasierako "// "kenduz)? 

Honek lagunduko dizu ulertzen nola funtzionatzen duten Initialize funtzioa eta OnLogicUpdate funtzioak ...